Hnahthial BDO sawn phut

Hnahthial Thalai Pawl (HTP) chuan an khuaa BDO hna chelh mektu chu BDO ni chhunzawm zel tlakah an ngai lo tih an sawi.

HTP hian nimin khan Hnahthial-a thuthar thehdarhtute kawmin an pawl President J. Lalhmunmawia chuan Hnahthial khawtlang tih hmasawmna tur sum lo kal tam tak a hmanna tura tha taka hman a nih loh thin avang leh tha taka hmang tura Thalai Pawl in BDO hnena an ngen hnuah pawh BDO in a zawm duh lo chu Hnahthial khawtlang mipui zah lohnaah an ngai tih sawiin, an BDO Lalneihthanga Colney chu BDO ni chhunzawm zel tlakah an ngai lo tih an sawi a, a rang lama Hnahthial District chhuahsan turin sawrkar pawh an phut tih a sawi a, September thla ral hmaa transfer order an hmu lo a nih chuan BDO Office kai dang tura hmalak a ni ang tih an sawi bawk.

Hnahthial Thalai Pawl chuan Hnahthial-a sawrkar Department hrang hrang Officer te chu an sum hmuh te a hmanna tur dik taka hmang tur leh dik taka thil ti tura ngenin, sawrkar hma-lakna te pawh enzui zel an tum thu an sawi bawk.

Comments

Popular posts from this blog

Tukverh-a tlasual boral