ASF vangin Vawk thi awm

Serchhip District-a Vawk hri, African Swine Fever (ASF) hri lenna hmuna puan tawh East Lungdar khua ah Inrinni khan Vawk thi 3 awm belh lehin Vawk pakhat suat a ni leh bawk a, heti hian kumin ah East Lungdar-ah hian ASF vangin Vawk 12 a thi tawh a, Vawk 15 suat a ni tawh bawk a ni. Inrinni thleng khan Serchhip District-a khaw 4-ah ASF vangin Vawk 64 a thi tawh a, Vawk 88 suat a ni tawh bawk. Hetihlai hian ASF hri lenna hmuna puan la ni lo North Mualcheng-ah Inrinni khan Vawk thi pakhat a awm belh leh avangin he khua a Vawk thi pawh 12 an tling ta bawk a, ASF hri lenna hmun ni lo khaw 7-ah Vawk thi 18 awm tawhin Vawk 64 suat a ni tawh bawk a ni.