Tomato chinna hmanrua sem

Khawzawl District Bawrhsap C.C. Lal-chhuangkima chuan MLA Fund atanga lei tuilakna Pipe roll 250 leh tuikhuah siamna tur silpaulin 250 chu nimin khan Tualte khuaa Tomato chingtu chhungkua 230 te hnenah a sem a, Tomato chingtute mamawh tak tui pipe leh silpaulin-te bialtu MLA, Deputy Chief Miinister ni bawk hmalaknaa sem theih a ni chu lawmawm a tih thu a sawi bawk. Tun dinhmunah Tualte khuaah hian chenna In 240 vel awmin chhungkaw 230 in Tomato an ching mek a, bialtu MLA leh Deputy Chief Minister Tawnluia chuan MLA Fund atangin Rs. 7,50,000/- man Tomato Processing Plant a lo pe tawh a, he khawl hi hman theih tura buaipui mek a ni. Nimin a he hun hman a nih rual hian nikum December thlaa Tomato Grower Cooperative Society din a nih hnuah Tomaato tharchhuah hmasak ber chu DC hian a vailiam nghal a ni.

Comments

Chhiar Hlawhte