Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

BJP Ticket in Hriata Chhangte a ding dawn

Serchhip bial-a Assembly bye-election neih turah BJP Ticket in Lal Hriatrenga Chhangte (Hriata Chhangte) a ding dawn nia sawi a ni a, Serchhip Vengchung-a khawsa thin, Ramhlun Eden-a pawhin Independent-a din a tum nia thudawn a ni bawk.

BJP Party hian Serchhip bial Assembly bye-election neih tur hi chuh ngei an tum thu an sawi hnuah New Serchhip Bazar Veng a khawsa thin Lal Hriatrenga Chhangte hi an Candidate dawn nia sawi a ni a, hemi chungchang ah hian kan Palai zawhna Chhangin Hriata Chhangte chuan Serchhip bial-a bye-election lo awm tur chu Central BJP chuan an ngai pawimawh in chuh an tum niin a sawi a, Delhi lama an Party hotu ten an Party Ticket-a ding tura an sawm bakah indawrna te neiin Pathian ropui nan leh kan Mizoram leh Hnam tana Missionary thinlung pu-a Serchhip bial bye-election neih tura BJP Ticket-a din chu a pawm ta tih a sawi a. Official-a hemi chungchang puanchhuahna hi Central BJP hotute nen Serchhip-ah neih thuai tur a nih thu a sawi bawk.

Serchhip bial-a Assembly bye-election lo awm tur atana boruak kal zelah hun rei tak Serchhip a lo khawsa tawh, Ramhlun Edena s/o Upa R. Laikunga (L) chuan Independent in he inthlanna hi chuh a tum thu a sawi a, Ramhlun Edena chuan, “Mizoram chu a chhiat loh nana daitheu tur leh, kan ram chhana Lalpa Krista Isua hmaa tang turin, Serchhip bial bye-election ah Vohbik Ephraim Israel te an lo lang ve ta e,” tiin he inthlanna chuh an tum thu hi a sawi a ni.

Heti hian Serchhip bial-a bye-election lo awm turah hian Candidate mi 6 lai an awm dawn ta niin a lang a ni.

Comments

Chhiar Hlawhte