Latest News

Krismas leh Kumthar lawmna tluang takin neih a ni

Kum 2019 Krismas leh Kumthar (2020) lawmna chu boruak muanawm tak hnuaiah neih niin thil duhawmlo liantham thleng a awmlo.
Kum 2019 Krismas lawmna hi Serchhip-ah chuan venhimna tha tak hnuaiah neih niin khawi atang mahin thil duhawmlo thleng a awm hriat a ni lo a, Police leh Excise & Narcotics Department bakah tlawm-ngai pawl (YMA) ten venhimna hna khauh taka thawkin khawi atang mahin thil duhawmlo thleng a awm lo a, Serhhip Police te chuan mi 6 manin heng zinga mi 5 te hi Serchhip khawchhung mi an ni a, amaherawh chu pawikhawihna lian erawh a thlenglo nia thudawn a ni a. Kohhran hrang hrang te pawhin inkhawmna hun tha tak hmangin Koh-hran tam ber te chuan December 26 khan Krismas lawmna ruai an kilho bawk a ni.
Kum 2019 thlahna leh Kumthar (2020) lawmna pawh boruak muanawm tak hnuaiah hman a ni bawk a. Kohhran hrang hran ten December ni 31 zan khan kum kalta chhunga an Kohhran member boral te sunna hun hmangin Kohhran tam tak chuan Zanlai-ah inkhawmna an nei bawk a, Kohhran thenkhat ten January ni 1-a Kumthar lawmna ruai thehin Kohhran tam zawk chuan January ni 1-a nileng-a inkhawm an neih hnuah January ni 2 khan Kumthar lawmna ruai an theh bawk.
Sawrkar in Halpuah leh halmawi lam chi khapna thupek a tichhuak chuangin Kumhlui thlah zanah Halpuah leh halmawi hal erawh hmu leh hriat tur a awm nual thung a, Kumhlui thlah zanah hian Police ten Zu rui mi thenkhat man mah se thubuai siam sak lovin chhuah leh an ni bawk.

Comments

Popular News (Last 30 Days)