Tuichang lei a him tih sawi

Tunhnai ruahsur nasa avanga Kei\um to Ar-\ahkawn Road, Kei\um leh Khawlailung inkara Tuichang Lei innghahna (foundation) tlahniam anga sawi awm chu a Lei innghahna tlahniam lovin Lei kaina (approach) zawk a tlak hniam deuh thu leh tunah hian Lei chu ala him thu PWD hotute chuan an sawi a.

He Lei Kei\um lam a\anga kaina approach slab hi concrete a chhung lovin, leivung a chhun khah (Earth filling) a ni thung a. A hun lai hian mumal taka tihmuk (compait) a ni lem lo bawk nia sawi a ni a. Hei hi khuarei-ah rawn lang chhuakin, tunhnai ruah sur nasa nen a tla muk ta a chu chuan khuar a siam ta tih sorkar thuchhuah chuan a tarlang.

Tunhnaia lei tla muk hian Lei hi a nghawng lo niin a hmuna endiktu SDO, Lalmuanpuia leh Junior Engineer ten an sawi a. Nimin khan he lei tlamuk hi leivungin an chhung khat nghal nghe nghe a. Nimin vek khan Tuichang leh Kei\um inkara kawng khuar chhe zual lai te leiin an hnawh khat nghal bawk a. PWD Engineer leh thawktu ten he lLei kaina an siam hi Serchhip District IPRO, K. Saitluanga pawhin a telpui a ni.

Tuichang Lei hi tunah hian Central Road Fund cheng nuai 754.75 senga dawh \hat tuma hmalak mek a ni a. Hna hi M/s Sadguru Engineers & Allied Services Pvt Ltd hnenah pek niin Double Lane PSC Girder a dawh tur a ni a, December 2018 a thawh zawh tura ruahman a ni a. Contractor hian tunah hmanrua te lakhawmin hma an la \an tawh a ni.