Latest News

‘Mizoram Education Reforms Commission rawtna siam tam zawk chu tihpuitlin a ni tawh’ - Education Minister

School Education Minister, H. Rohluna chuan Mizoram-a Zirna tihmasawn tura Mizoram EducationReforms Commission rawtna siam tam zawk chu tihpuitlin anih tawh thu sawiin, Headmaster a kaisan theihna seniority a kalpui \hin chu tih danglam anih thu a sawi.

Hillsgate Weekly Newspaper-in a buatsaih Mizoram-a zirna hmasawnna tur ngaihtuahhona 'Mizoram Education Watch & Envision' hawnna hun nimin a Aijal Club-a neih a hmanpuina ah Education Minister, H. Rohluna chuan ram tana zirna a pawimawh thu sawiin, zirna tello chuan hmasawnna tak tak a awm thei lo, a ti a. Zirna tihmasawn tura Mizoram Education Reforms Commission rawtna siam tam zawk chu tihpuitlin anih tawh thu sawiin, School \henkhat naupang neih mumal lohna te chu sawikhawm an nih thu leh defunct school te chu khar an nih thu a sawi a, Commission rawtna \henkhat chu bawhzui mek a nih thu a sawi bawk. Minister chuan zirtirtute chu zirna kawnga mawhphurtu ber anni tiin zirna hmasawnna atan zirtirtu quality \ha a pawimawh thu a sawi a. Zirtirtu lak zawng zawng MPSC kutah dah vek anih tawh thu School Education Minister chuan a sawi a, Sorkarin subject teacher neih a ngaihpawimawh thu sawiin, Mathematics leh Science Teacher Recruitment Rules siam\hat anih thu a sawi bawk.
School Education Minister chuan zirna hmasawnna ruhrel (infrastructure) lama hmalakna te tarlangin Serchhip leh Lunglei-ah te SCA a\angin Education Centre building sak chhoh mek anih thu a sawi a. NABARD a\anga sum hmuhin Mizoram chhunga School rawp chhe tawh sak \hat hna thawh anih tur thu a sawi bawk a. Aizawl leh Lunglei DIET-ah te B.Ed Course nakum session a\anga hawn theih tura hma lak mek anih thu leh beng hriatna leh mithmuh lama harsatna nei te tan B.Ed Special Education Course hawng tura hmalak mek anih thu a sawi bawk.
Headmaster a kaisan theihna seniority a kalpui \hin chu tih danglam anih thu pawh Education Minister chuan sawiin, tunah chuan Headmaster-a promotion 50% chu seniority a kaisang an ni anga, 50% chu LDE (Limited Departmental Exam) hmanga hnawhkhah tura ruahmanna siam a nih thu a sawi a. Hei hian \halai viak \ha leh inzir thar peih te tan Headmaster nih theihna tur kawng a hawn tur thu leh zirna In-ah hmasawnna a thlen ngei a beisei thu a sawi bawk a ni.
School Education Minister, H. Rohluna chuan zirna lama tuilo te pawhin eizawnna tling an neih theih nan Vocational Training leh Skill Development uar taka kal chhoh pui zel anih thu leh ‘inclusive education’ pianphunga rualbanlo ten zirna \ha an neih theihna turin sorkarin theih-tawpa hma a lak thu a sawi bawk a. Zirlaiten puitlin huna chhawrtlak thiamna an neih nan \an lak a ngaih thu sawiin, sorkar chauh ring lovin khawtlang leh NGO te nen zirna tihmasawn tura \anrual a pawimawh thu a sawi bawk.
'Mizoram Education Watch & Envision' hi Hillsgate Editor, C. Lalhriatpuia chuan kai-hruaiin chawhnu lamah mithiam te thuziak hrang hrang an zirho a ni.

Comments

Popular News (Last 30 Days)