Latest News

Mizoram-a PRRS leng in ziaawm lam pan zelin PRRS vei 872 hmuhchhuah an ni tawh.

Mizoram-ah Vawk 8542 te chu Porcine Respiratory and Reproductive Syndrome (PRRS) an vei leh veiloh enfiah tawh ah Vawk 872 in he natna hi an kai tih hmuhchhuah a ni tawh a, Serchhip District-ah pawh Vawk 154 te chuan he natna hi an kai tih hmuhchhuah a ni tawh bawk.
Serchhip-a AH&Vety Department hotute hnen a\anga kan thudawn danin he Vawk natna Porcine Respiratory and Reproductive Syndrome (PRRS) hian ziaawm lam a pan tawh a, kumin July thla thleng khan vawk 8542 enfiah tawh ah Vawk 872 te chuan PRRS hi an vei ngei tih hmuhchhuah niin District hrang hrang zingah Aizawl-ah vawk enfiah tam berin 3970 enfiah a ni a, Vawk 334 te chuan he hri hi an vei ngei tih hmuhchhuah a ni tawh a ni. Lunglei District-ah Vawk 1748 enfiahin Vawk 122 in he natna hi an vei a, Serchhip District-ah Vawk 1410 enfiah tawh ah PRRS vei 154 an awm a, Saiha District-ah Vawk 407 enfiahin PRRS vei 179 an awm a, Mamit District-ah Vawk 264 enfiahin PRRS vei 13, Champhai District ah Vawk 258 enfiahin PRRS vei 37, Lawngtlai District-ah vawk 234 enfiahin PRRS vei 30 leh Kolasib District-ah Vawk 251 enfiahin PRRS vei 3 an awm bawk a ni.
    AH & Vety Department hotute chuan PRRS hri len vanglai chuan Vawk an enfiah a\anga za zela 62 velin he natna hi an vei tih hmuhchhuah \hin a ni tih sawiin, an enfiahna hnuhnung ber kumin July thla khan Vawk 1200 te enfiah niin an zinga 40 chauh he hri vei hi hmuhchhuah a ni tawh tih an sawi a, hei hi 3.33% chauh a nih thu sawiin, August thla ah a test na tur hmanrua an neihloh avangin he natna vei zat hi hriattheih a ni hrih lo tih an sawi bawk. Hei bakah hian Department hotute chuan PRRS vang hian Mizoram a vawk 243 suat a ni tawh tih sawiin, heng zinga 17 hi mimal vawk a niin a dang hi AH&Vety Department farm ami an ni a. Central sorkarin vawk suatna atana compensation a pek theih a tlem avangin vawk neitu tam takin an vawk tihral an phallo a, hei hian natna umbo kawngah harsatna a siam niin an sawi a. Serchhip District-a he hri vei Vawk zingah suat an awmloh thu pawh sawiin, he hri vei Vawk te chu a hranga dah tur leh Vawk dangin an kai lohna tura fimkhur turin an chah ber tih an sawi bawk.

Comments

Popular News (Last 30 Days)