Tawi Bial-a Artui tharchhuah thartem

Mizoram Legislative Assembly thutkhawm nimin a neih ah Tawi Bialtu MLA leh Minister Prof. Lalnilawma chuan a Bial chhunga ‘Artui-a Intodelhna tur Bana Kaih Project’ kalpui mek atanga a Bial mipuite thar Artui chu MLA te a thartem a. He Project hi Prof.Lalnilawma’n a MLA Fund hmanga a kalpui niin, he project hnuaia beneficiary te chu MLA Fund kaltlangin Ar In sakna tur Rangva pek an ni a. Ar note man zaa 75 chu MLA Fund atangin pek an nih bakah zaa 25 chu beneficiary ten an tum thung a. Ar chaw man chu thla 5 chhung atan zaa 75 chu MLA Fund atanga pek chhoh mek an ni bawk a, he hmalakna hnuaia Artui tharchhuah hi an hralhchhuak tan mek bawk a ni.