Mizoram-ah ‘National Action Plan for toys’ kalpui

Sawrkar laipui ruahmanna in ‘National Action Plan for toys’ chu Mizoram-ah kalpui mek a ni.

    Women & Child Development Joint Director Sailopari, chuan kum 2022 May ni 26 khan sawrkar laipui ruahmanna in guidelines mumal tak hnuaiah ‘National Action Plan for toys’ hi kalpui tan a ni a, he guidelines hnuaiah hian Ek Bharat Shreshtha Bharat kalpui niin, State tin te Anganwadi Centre a naupangte hman tur Model toys siam tura tih an nih angin hmalakna hrang hrang kalpui a ni a. Mizo infiamna hrang hrangte khaw hrang hrang atanga lakhawmin sem darh leh thin a ni. Sailopari chuan ‘National Action plan for toys’ hnuaiah hian Mizo infiamna, Hnam infiamna bik awlsam taka siam dan inzirtirna te buatsaih niin Anganwadi Worker te hnenah Training pek leh an nih thin thu a sawi a. Mizo infiamna mai bakah infiam chunga naupang ten thil an zir theihna tur, an khaw hawi ti zautu, an thiamna, an remhriatna leh kutthemthiamna nei thei tura infiam chunga zirna te kalpui thin a nih thu a sawi a. Hei bakah hian Ministry atanga sum an hmuh atangin Anganwadi Centre hrang hrangah Self-Help Group te siam Mizo infiamna bungrua te sem a nih thu a sawi bawk.