KPP Intawhkhawmna tur Pandal sak hna \an a ni
Mizoram Presbyterian Kohhran-a Kohhran Pavalai Pawl ten rampum huapa Intawhkhawmna an neih thin hi kumin October 16-18 chhung khian a vawi 7-na atan neih tum niin Serchhip in a thleng dawn a, he Intawhkhawmna neih tur Pandal sak hna hi nimin khan Serchhip P&E Veng-a Leisekawt Mual-ah thawh tan a ni a, Oranising Committee Chairman Upa Vanlalchhunga chuan tawngtaina hun hmangin pandal sak hna hi thawh tan a ni.
Kohhran Pavalai Pawl Intawhkhawmna atana Pandal sak hna hi Aizawl Ramhlun Venglai a awm, Mark Event and Entertainment chuan an thawk dawn a, anni hian hnathawktu mi 15 vel rawn turin pandal ruhrel hi chawlkar khat-ah tihfel hman tum niin a chhung cheimawi hna leh Electric Wiring zawng zawngte nen anni hian an thawk dawn a, hemi atan hian cheng nuai 30 sen tura ruahman a ni a, Pandal hi a dung ft. 200 leh a vang ft. 190-a lianin sak tur a ni a, mi sing khat leng thei tura beisei a ni.