Bungrua te semchhuak

Nimin khan Hnahthial-ah DC Office, District Social Welfare Office leh ALIMCO buatsaihin an District chhunga rualbanlo leh Tar chak lo zawkte tana siam, anmahni tanpuina hmanrua chu semchhuah a ni a, he hun hi Hnahthial DC, K. Vanlalruati chuan a hmanpui a ni. Hnahthial District-ah hian rualbanlote tan Assistance to Disabled Persons (ADIP) hnuaiah tanpuina dawng mi panga (5) awmin hmanrua 12 semchhuah a ni a; Tar chak lo Rashtriya Vayoshri Yojana (RVY) hnuaiah tanpuina dawng mi 133 an awm bawk. A vaiin hmanrua hi mi 138 hnenah semchhuah niin nikum November thla Assement Camp atanga thlanchhuahte an ni. ADIP Scheme hi rualbanlo Card (UDID) neite tan dil theih niin RVY Scheme hi kum 60 pel tawhte tana dil theih a ni thung.