PMJVK hnuaia hmalakna hrang hrang 42 hawng

Zonuna Kawlni /

District Council & Minority Affairs Minister C. Lalsawivunga chuan nimin khan Aizawl-a Mizoram Secretariat Conference Hall-ah Mizoram State Sports Council (MSSC) buatsaihin Lunglei, Lawngtlai leh Mamit District-a Ministry of Minority Affairs hnuaia Pradhan Mantri Jan Vikas Karyakram (PMJVK) kaltlanga siam Basketball Court 24 leh Volleyball Court 18 hawnna hun khuallian niin a hmanpui a, MSSC hmalakna hnuaia PMJVK sum hmanga infiamna hmunhma 42 lai hawn a ni thei chu lawmawm a tih thu leh Sports Minister hmalakna lawmawm a tih thu a sawi bawk. Kum 2020-2021 khan Ministry of Minority Affairs hnuaia PMJVK Scheme atangin Basketball Court with Viewing Gallery leh Volleyball Court with Viewing Gallery siamna atan approval hmuh a ni a. March ni 22, 2022 khan Expenditure Sanction hmuh niin Lunglei, Lawngtlai leh Mamit District-ah thawh a ni a. Tender chhuah a níh hnuah /s Junior Consultancy Services, Tlangnuam, Aizawl, Mizoram chu he hna thawk tur hian thlan an ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »