Intensified IEC Campaign kalpui dan tur sawiho a ni
Serchhip District chhunga ni 30 chhung kalpui tur '2nd Phase of Intensified IEC Campaign' chungchang hi nimin khan Serchhip DC Meeting Hall-ah Bawrhsap Paul L. Khuma hoin sawiho a ni a, he thutkhawm ah hian Bawrhsap chuan kum kalta (2024) khan Serchhip District-ah '1st Phase of Intensified IEC Campaign' neih a lo nih tawh thu sawiin, hmun hrang hrangah thawktute kalin hmalakna an kalpui thu a sawi a. Kha hmalakna khan mipuite ah rah a chhuah dan leh a hlawhtlinna kan hriat a pawi-mawh thu sawiin, chumi kawngah chuan hmalak zel a tul thu a sawi a. Kumin a he Campaign kalpui leh turah pawh hian mipuite tana tangkai tak leh hlawhtling taka kalpui a nih theihna turin thawktu hrang hrang ten theihtawp an chhuah tlan a tul thu a sawi bawk.
He thutkhawm ah hian DISHA Lunglei-a CSO Alfred Lalhmingmuana chuan kumin a '2nd Phase of Intensified IEC Campaign' kalpui dan tura ruahmanna awmsa hrang hrangte sawiin, Ser-chhip District-ah chuan September 16, 2025 chawhnu dar 1:00-ah Serchhip Sub-Hqrs. YMA Hall-ah Launching Programme hman nise an ti a, Serchhip DC chu khuallian ni tura beisei niin Serchhip a High School leh Higher Secondary School atangin zirlai 200 tel tura beisei an ni a, HIV/AIDS dona kawnga hriat tur pawimawh hrang hrangte inzirtirna neih nghal a ni ang.
'2nd Phase of Intensified IEC Campaign' hi Mizoram pumah kalpui tura ruahman niin he hmalakna hnuaiah hian Serchhip District chhungah chuan khaw thlanchhuah 27-ah HIV/AIDS chung-chang inzirtirna kalpui tura ruahman a ni a, thisen test beihpui thlak nghal zel tur niin mipui ten hlawk leh tangkai taka he hun an hman theih dan tur hrang hrang pawh nimin-a thuthkhawm ah hian sawiho a ni bawk.