District Cooperative Development Committee thukhawm

Nimin khan Serchhip-ah District Cooperative Development Committee chu thukhawmin Serchhip District chhunga Cooperative Society te hmasawnna tur leh kal zelna tur atana pawimawh hrang hrang sawiho a ni.
Serchhip DC Meeting Hall-a thutkhawm neih hi an Chairman leh Bawrhsap Paul L. Khuma chuan kaihruaiin District Cooperative Officer (DCO) C. Vanlalhruaia chuan an hmalakna hrang hrang a tarlang a. Serchhip District-a Cooperative Society ten heng National Level Cooperative Society- National Level Cooperative Exports Ltd (NCEL), National Cooperative Organics Ltd. (NCOL) leh Bharatiya Beej Sahakari Samiti Ltd. (BBSSL)-a Share an lei theih dan tur leh an tangkaipui dan turte sawiho a ni bawk.

Heng bakah hian M-PACS registration dil mek ten an hmuh thuai theih nan hmalak nise an ti a, North Mualcheng M-PACS Ltd. in Common Service Centre (CSC) hlawhtling takin a kalpui mek a; khaw dang pathum- Chhuanthar Tlangnuam, Khawlailung leh Serchhip-ah te thlan-chhuah bik Society ten an kalpui theih nan hmalak nise an ti bawk. National Cooperative Database (NCD) portal-ah Society nihna leh dinhmun kimchang taka dahluh thin a ni a, Serchhip District hnuaia Cooperative Society 120 dahluh kim vek an ni a, Registration hmu thar Society pakhat dah luh leh thuai nise tiin an rel bawk.