YMA Office atanga zuangthla a boral

Nimin July 1 tlai-a Serchhip Sub-Hqrs. YMA Office Building atanga zuangthla Lalchhanchhuaha chu nizan khan boralin Vawiin hian vuiliam a ni ang.

    Thudawn danin Serchhip Field Veng-a cheng Lalchhanchhuaha (29) hi July 1, 2025 Office ban hnu, tlai dar 5:50 vel khan Serchhip Bazar-a Sub-Hqrs. YMA Serchhip Office Building chhawng 4-na atangin a zuangthla a, hliam na tak tuarin Serchhip damdawi In panpui nghal a ni a, amaherawh chu a hliam tuar lovin zan dar 11:30 velah a boral zui a. Vawiin, July 2, 2025 chhun dar 12:00 hian vuiliam tur a ni ang.

    Lalchhanchhuaha hi nupui nei tawh niin tunhnaia an nupa karah hian harsatna neuh neuh an nei ni awma sawi a ni. YMA Office hi thir hmanga hung niin hetah hian lawn lutin a chhawng chungah hian a chho nia rin a ni a, a zuangthla lai hi mi thenkhat chuan an hmu nia sawi a ni bawk.