Raltlan thawnlet chungchang ah lehkha thawn tum

Mizo Zirlai Pawl (MZP) chuan Bangladesh atanga Mizoram a sahimna zawnga lo lut mi 28 te thawnlet an ni chu pawi an tiin an lainat hle tih an sawi a. Bangladesh atanga dan loa lo pem lut Chakma mi sing tel an en liam mai mai laia Zofate laka India sawrkar laipui hmalak dan hi hriatthiam a har hle a ni, tiin hemi chungchang hi Union Home Ministry-ah lehkha thawn nise an ti. MZP chuan tunhnaiah India sawrkar-in Myanmar leh Mizoram inkalpawhna Free Movement Regime (FMR) a titawp chu hriatthiam har an tih thu leh pawi an tih thu sawiin, Zofa chhak leh thlanga cheng, u leh nau, hnam leh Sakhua thuhmun, awlsam taka inkalpawhna kawngpui pawimawh tak khar a ni ta hian Zofate inpumkhatna turah nghawng tha lo tak a neih an hlauh thu an sawi bawk a ni.