Air Quality Index-a a him chinah Mizoram a awm

Boruak thianghlim leh thianghlim loh teh funga hman ber Air Quality Index AQI-ah Mizoram chu a him chin ah a awm.

Mizoram Pollution Control Board-a Scientist 'C' Dr. Lalramnghaki Pachuau sawi danin Mizoram chu India rama chanchinbu lian ten boruak thianghlim berna a nih thu an sawi a, tun dinhmunah boruak thianghlim tak ni mahse a danglam ve reng niin ramchhung hmundang nena tehkhin chuan ala thianghlim hle tih an sawi a ni. Dr. Lalramnghaki Pachuau chuan Mizoram-ah industry lian a awmloh avangin boruak chhia a tam loh phah tih sawiin, Aizawl khawpuia boruak ti bawlhhlawhtu ber nia lang chu motor khu a nih thu leh sawrkar laipui thupek anga lirthei ten pollution test an paltlang thin chuan boruak bawlhhlawh lutuk tur a veng tih a sawi bawk.

Mizoram Pollution Control Board hotute sawi danin lirthei pollution test na tur hmun pan theilo tan Mobile Testing Van sawrkarin a lei tawh a, Aizawl atan 4 leh Lunglei tan 1 hman mek niin hmun khatah a hlawma test duh tan MPCB ah dilna thehluh theih reng a ni.