Police hna thawk tha Governor’s Silver Medal hlan

Zonuna Kawlni /

India Independence Day 2024 lawmna nimin a Serchhip-a neih ah Police hna thawk tha chawi-mawina sang, Governor’s Silver Medal chu Hav. H. Zomuanthanga, Police Training School, Thenzawl hnenah hlan a ni.
 Hav. H. Zomuanthanga hian March 1, 1996 khan Constable hna thawkin Mizoram Armed Police a zawm a, kum 2012-ah Naik-ah kaisangin kum 2018 khan Havildar-ah a kaisang leh a, kum 2013 atang khan PTS, Thenzawl-ah hian Trainer hna thawkin he hna hi tha tak leh rinawm taka a thawh avangin he chawimawina hi hlan a ni. A hna thawh that avang hian kum 2019-2020 khan Union Home Minister’s Medal for Excellence in Police Training chu a lo dawng tawh bawk a ni.

Hav. H. Zomuanthanga hian a hnathawh that avang hian Cash Reward tum 30 lai dawng tawhin Commendation pawh tum 30 a dawng tawh a, Appreciation tum 9 dawng tawhin, Police Special Duty Medal pali leh 50th Anniversary of Indian Independence Day Medal pakhat, a vaiin 74 lai a dawng tawh bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Dialysis-ah Technician dah

Zonuna Kawlni /
Image
District Hospital, Serchhip-a Dialysis khawl bun tawh chu hman a nih theihna turin Technician dah a ni dawn nia thudawn a ni. District Hospital Serchhip-a Dialysis khawl hi bun fel tawh niin Nurse pahnih te chuan Training an nei zo tawh a, Technician dah la ni lo mah se Bialtu MLA leh Chief Minister Lalduhoma chuan MLA Fund atangin Technician hi a ruai dawn nia thudawn niin Vanlalrengpuii Kawlni, P&E Veng Serchhhip chuan nimin khan Joining Report a pe a ni. Ser-chhip-ah hian Dialysis khawl hi pahnih bun niin Serchhip-ah hian Dialysis tih ngai hi mi 40 vel an awm mek nia hriat a ni bawk.
Kimchang zawkin »