Hna ti khawtlai zawnga Court-a zualko awm pawi ti

Lunglei Zobawk All NGO Coordination Committee chuan Zobawk-a Mizoram State Sport Academy leh Recharging Dam hnathawh mek ti khawtlai zawnga Court-a zualko an awm chu pawi an tih thu an sawi.

Zobawk All NGO Coordination Committee thuchhuah chuan Zobawk-a Mizoram State Sport Academy leh Recharging Dam hnathawh mekah tute emaw in ‘Forest Clearance a awm lo’ ti-a Court-ah an zualko avanga hnathawh a khaihlak chu pawi an tih thu tarlangin, he hmalakna hi chhunzawm zel a nih theih nan hmalak sak turin Mizoram sawrkar an ngen a. Lunglei Greater Water Supply in Zobawk khua a thlen loh avangin Tlawng hnar tui lak chu an khaw tan tih makmawh a nih bakah State Sport Academy buatsaih anih avang hian ramngaw tihchhiat emaw, tuihna tih tlem leh tih bawlhhlawhna a awm hran lo tih an sawi a. Hna hi zaa 80 vel zawh tawh a nih tawh avangin hun reilote-ah an tu leh fa ten an hman tangkai theih tur a nih avangin sawrkar-in a ruahman anga siam puitlin a nih thuai theih nan Mizo mipui zawng zawng theihtawp chhuahpui turin an ngen a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man