Assembly thutkhawm ni 2 chhung neih a ni dawn

Mizoram Legislative Assembly dinglai-a thutkhawm hnuhnung ber ni tura ngaih chu tun thla ni 22 khian neih tan a ni dawn a, ni 2 chhung a awh ang.

Mizoram Legislative Assembly thutkhawm nei tur hian Governor Hari Babu Kambhampati chuan a lo ko tawh a, Assembly Secretariat chuan tunhnaia Assembly Speaker Lalrinliana Sailo hova Business Advisory Committee (BAC) thukhawm chuan Assembly inkhawm hi ni 2, August 22 leh 23-ah chauh ni turin a rel tih an sawi a. Hei hi sawrkar lam atanga ngaihtuah tur thil a luh tam dawn loh vang ni a hriat a ni a. Dan dinglai siamthatna tur (Amendment Bill) tlemte chu a luh mai theih thu official-te chuan an sawi a. Hei bakah hian tun tuma Assembly inkhawm hi thla ruk (6) a liam lohna tur ang deuh chauh a nih thu an sawi bawk.

Tun tuma Assembly thutkhawm neih tur hi Mizoram Legislative Assembly dinglai, 8th Mi-zoram Legislative Assembly-a thutkhawm hnu-hnung ber ni tawh tur leh Assembly inthlanpui neih a nih hmaa thutkhawm hnuhnung ber tur nia ngaih a ni a, Inthlanpui a hnaih tawh avangin Political Party te pawh nasa taka inbuatsaih tura ngaih an ni.