'NIPUN Bharat' chungchang inhrilhfiahna nei

Nimin khan Administrative Training Institute (ATI)-ah Samagra Shiksha State Project Office buatsaihin National Education Policy 2020 tihhlawhtlinna tur 'NIPUN Bharat' chungchang inhrilhfiahna hun hman a ni.

NEP 2020 tihhlawhtlinna tur 'National Initiative for Proficiency in Reading with Understanding and Numeracy (NIPUN)' inhrilhfiahna hun hi Samagra Shiksha State Project Director Lalhmachhuana chuan hmanpuiin h hun kalkhawmte chuan ZO-NIPUN thutiam an tiam nghal a. SPD Lalhmachhuana chuan India ram zirna kalpui dan a inthlak danglam chhoh zel thu sawiin, Right to Education chuan kum 6-14 chin huam mahse, a policy-ah chuan kum 3-18 a huam tawh tih a sawi a. Naupang zawng zawngten sikul an kal a, hriat leh thiamna nghet an neih theih hi a pawimawh a, zirna kawngah hian rampum sukthlek pawh a danglam zel a ni, tiin NEP 2020 tihhlawhtlinna atan NIPUN Bharat bawhzui thata tihhlawhtlin hi a pawimawh a ni, a ti bawk.

NIPUN Bharat hian naupangin zirna innghahna lungphum pathum- ziak, chhiar leh chhiarkawp an thiam theih nan zirna boruak tha an neih theihna tur siam te, zirna In chu damchhunga an tangkaipui tur zirchhuahna hmunah siam a, naupangte pawhin hriatthiamna tak tak nen zirna awmze nei leh hlimawm an neih theihna tur siam a dah pawimawh a ni. He hunah hian District tina Samagra Shiksha hnuaia DPC, Addl DPC, DyDPC te, State Project Office a Officer te an tel a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar