Kawng siam nan cheng vbc. 6,664 pek a ni dawn

/

Union Minister of Road Transport & Highways Nitin Gadkari chuan Mizoram tan kawng siamna tur Project hrang hrang tan cheng vbc. 6,664 dah a nih tur thu a puang.

Guwahati-a Ministry of Road Transport and Highways-in hmarchhak State pali - Arunachal Pradesh, Mizoram, Tripura leh Manipur-a National Highway-a hna thawh mekte thlirho leh sawihona hun Zirtawpni-a an buatsaihah Nitin Gadkari hian he thu hi a puang a. Heng kawng siam tur hrang hrang hi belhkhawmin km 204 a ni a. Heng zingah hian Zorinpui leh Longmasu inkar kawng (cheng vbc. 764), Vairengte leh Sairang inkar kawng (cheng vbc. 1,400), Aizawl by-pass road leiverh km 2 leh a chanve a thui awm telna tur (cheng vbc. 3,000) leh Seling leh Tuivai inkar kawng siamna tur (cheng vbc. 1,500) te a tel a. Hei bakah hian Mizorama NHIDCL kaltlanga National Highway hna thawh mek dinhmun thlirho a ni a, harsatna tawh hrang hrangte chipchiar taka sawiho a ni bawk.

Union Minister for Road Transport and Highways chuan Mizoram a kawng siam hna thawh mek chu tha tiin, theihtawp chhuah zel nise a ti a. He huna tel Chief Minister hnenah thla hnih khat hnu-ah Mizoram lo kal a tum thu hrilhin, Lei (bridge) pahnih dawhna tur dilna awm mek pawh phalna pek a nih thuai tur thu a hrilh a ni.

Comments

Post a Comment

Popular News (Last 30 Days)

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »

END leh SADS in Heroin man

/
Image
Serchhip-a Excise & Narcotics Department leh Serchhip Sub-Hqrs. YMA Anti-Drug Squad te chuan nimin zing dar 9:30 vel khan Chhiahtlang dai, Lamchhip kawng (Darzika Road) peng-ah Heroin nia hriat Hawng 10 an man a, heng ruih-hlo an man hi gram 119.46-a rit niin a neitu nia hriat Lalchhanhimi (47), Chhiahtlang Hmar Veng nia insawi pawh manin thubuai siam sak nghal a ni. Heng damdawi te hi chawhmeh (thlai rah) karah thuhruk a ni.
Kimchang zawkin »