I&PR Minister in Foundation for Drug-Free Mizoram High Council a hmanpui

Foundation for Drug-Free Mizoram High Council Vawi 2-na chu Inrinni khan Aizawl-a Synod Conference Centre-ah neih niin he hun hi I&PR Minister Lalruatkima chuan khuallian niin a hmanpui a ni.

Foundation for Drug-Free Mizoram High Council Vawi 2-na ah hian I&PR Minister Lalruatkima chuan, Foundation For Drug-Free Mizoram ten ruihhlo that lohzia inzirtirna (awareness) kawnga an hmalak thinna chu fakawm a tih thu sawiin, Zirna In leh Sunday School-ah te awareness programme nei-a an chechhuak thin te, thalai singkhat zet hnena ruihhlo laka fihlim tura intiamna an neihpui thei te chu lawmawm a tih thu a sawi a, “Mizoram hi International Drug Traffic Route-a awm kan nih avangin ruihhlo in kan ram a tibuai nasa hle a, nasa takin min chimral mek zel a, chutiang kara ruihhlo dotu tur pawl te an lo chhuak zel hi a lawmawm. Mizoram sawrkarin theihtawp chhuahin ruihhlo a do thin a, chutih rualin sawrkar leh mipui inkarah thawhhona tha a pawimawh. NGO-ten ruihhlo do-a hma in laknaah theihtawp chuah zel turin ka ngen che u a ni,” a ti.

Ruihhlo dona kawngah sawrkar leh NGO te mai bakah Nu leh Pa ten mawhphurna sang tak an neih thu Minister chuan sawiin, “Drug-Free Mizoram hi a hlawhtlinna tur chuan chhungkua ah bul kan tan a ngai a ni. ‘Addict’ tih tawngkam kan hman apiangin ruihhlo lam ni lovin taimak leh hnathawh lam zawk he tawngkam hi kan kawhtir theihna turin tan kan lak zual zel a ngai a ni,” a ti a, Mizoram-ah addict te tan Home awm nualin, an hnawthawh ropui hle mahse heng De-addiction Home neih avang hian mipui te kan inthlahdah deuh thin nia a lan thu a sawi a. “Ruihhlo ngai te hi kan hnampui te, kan thisen zawmpuite an nih avangin hmangaih tak leh duat taka theihtawp chhuaha kan enkawl an mamawh takzet a ni,” ti bawk.

I&PR Minister chuan kan ram in thatna lai kan neih te sawi tam a hun tawh tih pawh sawiin, Social Media kan hman nasat thu leh, a bik takin thalaiten a tha lam aiin a chhe zawng atan an hmang uar nia a lan thu a sawi a, hei hian kan ‘moral value’ tam takin a tichhe mek nia a hriat thu pawh sawiin, Social Media kan hmanna kawngah pawh zirtirna tha neih zel a tul thu a sawi bawk.

Foundation for Drug-Free Mizoram, High Council hi an Founding President Lalnunthara chuan a kaihruai a, General Secretary, C. Lalnundika’n report peiin an member kalta te sunna hun leh Life Member leh Patron Member thar te hnenah Certificate hlanna neih a ni bawk/

Comments

Popular News (Last 30 Days)

LPG man bithliah thar