Niminpiah-ah COVID-19 kai 91 hmuh belh leh

Niminpiah khan Mizoram-ah COVID-19 hri kai mi 91 lai hmuh leh an ni a, hei hi Sample enfiah zawng zawng 499 atanga chhut chuan za zela 18.24 zet an la tling a ni.

Niminpiah a Mizoram-a COVID-19 hri kai hmuhchhuah mi 91 zinga 90 te hi Rapid Antigen Test hmanga hri kai hmuhchhuah te an ni a, Aizawl District-ah hri kai mi 40 hmuh niin Serchhip District-ah mi 25 hmuh an ni bawk a, Mamit District-ah mi 9, Lunglei District-ah 8, Kolasib District-ah 5, Saitual District-ah 2 leh Hnahthial District-ah hri kai mi pakhat hmuh an ni a, ZMC-a RT-PCR Laboratory-ah Sample 23 enfiah niin heng atang hian hri kai mi pakhat hmuh a ni a, TrueNat Laboratory-a Sample enfiah 2 awm-ah hri kai hmuh an awm lo thung a ni.

Nimin khan Mizoram District 6 atangin COVID-19 hri kai enkawl dam mi 44 an awm belh ve leh bawk a, heti hian nimin tlai dar 5:00 thlenga Mizoram-a COVID-19 hri kai hmuhchhuah tawh chu mi 2,29,439 niin an zinga 2,28,348 te chu enkawl dam an ni tawh a, hri kai hmuhchhuah atanga chhutin za zela 99.52 te chu enkawl dam an ni tawh a, hri kai enkawllai mi 385 la awmin hri kai zingah mi 706 an boral tawh bawk a ni. Tun dinhmunah Mizoram District 11 zingah Siaha, Champhai leh Lawngtlai tihloh District dang zawngah hri kai enkawllai an la awm a ni.