Latest News

Legislators' Joint Meeting neih a ni

Mizoram Legislative Assembly kum 50 tlin lawmna kal zelah nimin chawhnu khan Assembly House Annexe Conference Hall-ah Legislators' Joint Meeting neih a ni a, Assembly Speaker Lalrinliana Sailo chuan he hun hi a kaihruai a ni.

Legislators' Joint Meeting-ah hian Chief Minister Zoramthanga chuan Mizoram Legislative Assembly Speaker hmasa ber Dr. H. Thansanga hnenah chawimawina thilpek a hlan a, hei bakah hian Assembly Speaker palina Dr. Kenneth Chawngliana; Assembly Speaker lo ni tawh leh Minister ni mek Lalchamliana leh Speaker hlui R. Romawia hnenah chawimawina thilpek hlan an ni bawk.

He hunah hian Deputy Chief Minister Tawnluia'n Mizoram Legislative Assembly Golden Jubilee Souvenir tlangzarhin Legislator hmasa ber zinga pathum lokal Chawngkunga, K. Sangchum leh Sapliana Vandir te hnenah chawimawina hlan a ni bawk a, kum 1972 atanga kum 2022 inkara Legislator lo ni tawh leh ni mek ten hun hlimawm tak an hmang a ni.

Comments

Popular News (Last 30 Days)