Mizoram-ah hri kai mi 172 hmuh belh leh an ni

/

Niminpiah khan Mizoram-ah Sample 3205 enfiah leh niin heng atang hian COVID-19 hri kai mi 172 hmuhchhuah leh an ni a, Hnahthial Distrtict tihloh District dang zawngah hri kai hmuhchhuah an awm a ni.

Niminpiah khan ZMC Laboratory-ah Sample 1035 enfiah niin heng atang hian COVID-19 hri kai 71 hmuhchhuah an ni a, an zinga mi 68 te chu hri kai nen inkawmhnaihna nei niin midang pathum te hi tunhnaia State pawn atanga rawn haw, inkhunghrang lai an ni thung.

Niminpiah khan District hrang hranga TrueNat Laboratory-ah Sample 110 enfiah niin hri kai mi pathum hmuhchhuah an ni a, Serchhip, Mamit leh Saitual District-ah hri kai pakhat theuh hmuhchhuah niin an zinga pahnih hi State pawn atanga rawn haw niin pakhat hi hri kai nen inkawmhnaihna neih avanga inkhunghrang lai a ni bawk.

Rapid Antigen Test hmangin niminpiah khan Mizoram-ah Sample 2060 enfiah niin hri kai mi 98 hmuhchhuah an ni a, an zinga mi 59 te chu Aizawl District mi an ni. Aizawl District-a hri kai hmuhchhuah zinga mi 8 te chu Lengpui Airport Screening Point-a hri kai hmuhchhuah an ni a, midang 51 te hi Aizawl District chhung khaw hrang hrang leh Veng hrang hrang mi niin an zinga mi 33 te chu hri kaina hriatloh leh chhui zui ngai an ni a, midang te hi hri kai nena inkawmhnaihna nei leh State pawn atanga rawn haw an ni thung.

Heng bakah hian Lunglei District-ah hri kai mi 11 hmuhchhuah niin Mamit District-ah hri kai 7 hmuh an ni a, Champhai leh Saitual District-ah hri kai mi 5 ve ve hmuh niin Serchhip District-ah hri kai mi 4 hmuh an ni bawk a, Kolasib, Siaha leh Lawngtlai District-ah hri kai mi 2 ve ve hmuh niin Khawzawl District-ah hri kai pakhat hmuh a ni bawk.

Nimin khan Mizoram-ah COVID-19 hri kai mi 46 te enkawl dam leh niin nizan hmasa khan mi 62 enkawl dam an ni bawk a, nimin tlai dar 5:00 thleng khan Mizoram-a hri kai hmuhchhuah tawh chu 6964 niin an zinga 5351 te chu enkawl dam an ni tawh a, tunah hian hri kai enkawllai 1596 awmin hri kai zaa 76.84 te dam tawh ang an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »