Vawiin ah Polling Party te chhuak dawn

Lok Sabha inthlanpui leh Hrangturzo bial Assembly bye-election neih tura Serchhip Distric-a duty turte chuan Vawiin April 10, 2014 hian an duty-na tur hmun an pan dawn ta.

Heng inthlanpui neih tura Serchhip District chhunga Polling Party te hian nimin khan Govt. Higher Secondary School-ah an bungrua te enfiahin Vawiin hian EVM te pechhuakin DC’s Office a\angin an chhuak anga, a chhuak hmasa ber tur Hmunzawl, Sailulak, Leng, Biate, Lung-kawlh, Ngentiang, Lungpho, Thinglian, Hualtu leh Rullam-a duty turte chuan Vawiin chawhma dar 10:00 hian Ser-chhip an chuahsan dawn a. Hemi hnu dar 10:30-ah Mual-cheng, E. Lungdar, N. Vanlaiphai, Lungchhuan, Bawk-tlang, Sialsir, Piler, Hriangtlang, Thentlang, Khawbel, Hmun\ha, Sialhau, Vanchengte leh Hmawngkawn te chhuak lehin dar 11:00-ah Buangpui, Neihloh, Thenzawl, Darlawng, Tlungvel, Baktawng, Chhingchhip, Phulmawi, Khumtung, Buhkangkawn, Chhiahtlang, Khawlailung, Chekawn, Keitum leh Bungtlang te an chhuak ve leh dawn a ni. Hemi hnu chawhnu lamah Serchhip khawpui chhunga duty tur te an chhuak ve leh anga, Serchhip khawpui chhunga duty turte hi chawhnu dar 1:00, 1:30 leh 2:00 PM ah te an chhuak dawn a ni. Ruahman lawk anga inthlanna hi tluang taka neih a nih chuan vote thlak zawh veleh ah heng Polling Party te hian an hmanrua te nen Serchhip DC’s Office an rawn pan nghal dawn a ni.