Maxi Cab Stand atan AOC pawm a ni

Serchhip hmarlama Maxi Cab tlan \hin te Stand atan Serchhip AOC Veng chu ruat nawn leh niin Maxi Cab te tan hian Serchhip Bazar-ah Passenger lak leh dah erawh phalsak an ni tawh dawn.
Serchhip SP in Aug. 21, 2014 a Maxi Cab Stand, Serchhip Bazar a\anga AOC Veng a sawn tura tura Order a chhuah avanga harsatna thleng zui chungchang chu nimin Sept. 24, 2014 khan Serchhip District SP, Pu Romil Baniyaa, IPS hovin sorkar mi pawi-mawh ten an sawiho a. He hunah hian VC, YMA Sub-Hqrs. leh Police thuneitute bakah sorkar mi pawimawh te telin Maxi Cab Stand atana AOC Veng ruahman tawh chu kaltlangpui nise tiin amaherawh chu Bazar-a Dropping zone-ah minute 10 zel passenger drop phalsak nise, Zing dar 7:00 hmalam leh tlai dar 5:00 hnulamah zalen takin Bazar a passenger an lak leh an drop phalsak nise an ti a ni. He ruahmanna thar hi thla ruk (6) chhung hman phawt tur niin thla 6 liamhnu ah ennawn leh theih a ni dawn chauh a, tuna Serchhip-a Maxi Cab Counter Agent te chu thla thum (3) chhunga AOC veng-a insawn tura ngen nise an ti bawk. Hei bakah hian he Meeting a tel te hian Serchhip-a Maxi Cab neitu ten lungawilohna an lantir an tihtawp hnua Sumo Driver ten P&E Veng, Bazar, Field Veng, Vengchung, Dinthar leh veng hrang hranga passenger an drop duh lo leh Counter in thil thawn an la duh lo chu na takin an dem bawk.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai