IIMC, Aizawl-a zir duhte tan Walk-in Admission hawn a ni dawn

Zonuna Kawlni (LENKAWL) • August 8, 2026 • Comments • Mizoram

Indian Institute of Mass Communication (IIMC), Aizawl-a zirna chhunzawm duh tan August ni 13, 2026-ah a hmuna kala Interview nghal theihna, Walk-in Admission hawn a ni dawn.

Ministry of Information & Broadcasting hnuaia Journalism leh Mass Media zirna In, IIMC chuan Aizawl Campus-ah hian CUET-a tling leh tling kher lo te tan Course pahnih Post Graduate Diploma in English Journalism (kum 1 zir) leh MA in New Media Communication (kum 2 zir) te zawm duh tan Interview theihna hi hawn a ni a, Graduate mark zaa 50 hmu tling ten an dil thei dawn a ni.

CUET-a valid mark hmu pha lo te hian Written Entrance test an ziak anga, valid mark hmu te erawh an interview nghal thung dawn a, an tih that dan indawtin Admission an hmu thei dawn a ni. IIMC hotute chuan zirlai IIMC-a zir chhunzawm duh te chu Certificate leh Document pawimawh te kengin tun thla ni 13-a IIMC hmun pan tawp theih a nih thu an sawi a ni.