Bairabi kawng chhia enfiah

Nimin khan All NGO Coordination Committee Bairabi (Kolasib District) hruaitute chuan Kolasib atanga Bairabi panna kawng, Zero Point leh Pangbalkawn inkar kawngpui chhe nasa chu a hmunah tlawhin, tun ang reng renga kawngpui chhia hi a la awm ngai lo niin an sawi a. All NGO Coordination Committee Bairabi Chairman HT. Lalhlimawma chuan Bairabi kawng hi kar hmasa lamte phei chuan Sumo leh motor dangte pawh an kal hlei thei lo tih sawiin, “Khawlum ram kan nih avangin natna te a tam deuh bik a, chuvang chuan damlo refer ngai bakah ei leh bar lakluh kawngah hian harsatna tam tak kan tawk a. Contractor te hi an rintlak loh avangin an lakah hian beisei kan nei lova, tunah pawh PWD ten kaltlang theih tâwk tawkin an han siam a. Chuvangin, sawrkar hian theihtawp han chhuah se tih kan beisei ber a ni,” a ti a. Hmalak zui zel dan tur an la ngaih-tuah tur thu an sawi bawk.