Govt. JM H/S Serchhip chuan nimin khan an School-ah HSLC Exam 2025-a an result lawmna hun an hmang a, he hun hi an Headmaster C. Lalrammuana chuan kaihruaiin thusawi hrang hrang ngaihthlak a ni a. Govt. JM H/S atang hian kumin a HSLC Exam-ah zirlai 51 exam in 44 an pass a, Distinction-ah 3, 1st Division-ah 17, 2nd Division-ah 22 leh 3rd Division-ah 2 ten an pass a, Distinction-a pass te leh Letter Mark hmu te hi sumfai chawimawina hlanin pass zawng zawng te thilpek hlan an ni bawk. He hunah hian Resource Person atan Dr. Laldinpuia, Asst Prof. Govt. Serchhip College hmangin ‘Briefing cum Career Awareness Programme’ hman nghal a ni bawk.
