Mahni Inchung-a Solar bun theihna tur kalpui mek

Power & Electricity Minister F. Rodingliana’n PM-Surya Ghar Muft Bijli Yojana (PM-SGMBY) hnuaiah mipuite tan mahni inchunga Solar bun theihna tur duan thar a ni tih sawiin, hei hi eng chhitman mipuiin an chawi tlem zawkna tura duan a ni tih a sawi.

Nimin-a a pisa-a Thuthar thehdarhtute a kawmna P&E Minister F. Rodingliana chuan chenna Inchung a nizung chakna hmanga kawlphetha siamchhuahna, Rooftop Solar System atan Sawrkar laipuiin tanpuina pe in a lo kalpui tawh thin tih sawiin, he Scheme in a tum ber chu mimal In vaibelchhe khat hnenah Sawrkar laipui atanga tanpuina hmangin Rooftop Solar System pek a ni tih a sawi a, mipuiten eng chhitman a tam thei ang ber chawi lova an awm theih nana duan anih thu leh, sawrkar in hmundang atanga kawlphetha a lei tih tlemna tur leh mitinte intodelh zawka an awm theih nana ruahman a ni tih a sawi.

P&E Minister sawi danin he Scheme hnuaia mahni Inchunga Solar bun duh te chu India ramchhunga cheng ngei, Electric consumer ni mek leh bill pe thin an ni tura ni a, Chenna In nei ngei an ni tur a ni a, sawrkar building leh pawl anga building awm te chu a huam ve lo thung a, diltu hming leh Electric bill hming putu chu a inang tur ani a ti bawk.

Minister F. Rodingliana chuan Mizoram sawrkar ina a thawhpui Vendor 12 lai an awm tih sawiin, heng Vendor te hian Rooftop Solar chu an chhawp sak thei dawn a, National Bank hrang hrang ten he Scheme hnuaiah Solar bunna tur atan Consumer te loan an pe thei tih pawh sawiin, Mizoram mipuite account an neihna tlanglawn ber SBI leh MRB ah pawh loan an pe thei tih a sawi a, Solar bunna tur hian AMC area chhunga cheng tan Rs. 12,000/- a ni tih sawiin, AMC area atanga kilometre 200-a hlaa cheng tan Rs. 18,000/- a ni a. Tun dinhmunah mi 2990 inziaklut awm tawhin, dilna 557 pawm a ni tawh bawk.

He scheme hnuaia Rooftop Solar Kilowatt 10 thleng bun duh consumer chuan State Portal pmsuryaghar.mizoram.gov.in-a inziahluh hnuah National Portal pmsuryaghar.gov.in-ah inziah luh leh tur a ni a, Online hmanga a tul ang tihfel hnuaih consumer ten Solar bun tura sawrkarin a pawm Vendor atangin mahni In-a bun tur thlan tur a ni a, Vendor atana thlan te hian kum 5 chhung an enkawl thei dawn a ni.