Aizawl-ah Dragon Fruits Extravaganza nei tan

Zonuna Kawlni /

Ni thum chhung awh tur ‘Dragon Fruits Extravaganza’ chu nimin August 8, 2024 khan Aizawl-a Millennium Centre Courtyard-ah neih tan niin naktuk thleng a awh ang.

‘Dragon Fruits Extravaganza’ hi Dragon Fruits chungtute leh thalai hetiang lama tui mite tana buatsaih niin Greenwave Farmtech ten Department of Horticulture leh Dragon Fruits Farmer Association te hmalakna hnuaia an buatsaih a ni a, Horticulture Minister Prof. Lalnilawma chuan a hmanpui a. Tualchhunga kuthnathawktu ten an tharchhuah te awmze nei zawka siamchhuah leh hralhchhuah lam dap a tul thu sawiin, Dragon Fruit bakah Sapthei tharchhuah lamah pawh sawrkar chuan kumthar-ah hmalak a tum thu a sawi a. Mizoram-ah Dragon Fruit chinna ah hun reilote chhunga hmasawnna thar hmuh a ni chu lawmawm a tih thu sawiin, Dragon Fruit chingtute chu ramchhung bakah ram pawn thlenga an tharchhuah te thawn chhuak thei tur khawpa hmala turin a fuih bawk.

Extravaganza chhung hian Dragon Fruits chu a man tlawm zawka hralhchhuah a ni dawn a, Free Home delivery kalpui tur niin hei mai bakah hian Dragon Fruits atanga siam chhuah hrang hrang te pholan a, zawrh a ni dawn bawk a, a Fresh Juice leh Slice te a lei theih reng a ni dawn a. Mithiam bik rawn tur an awm dawn bawk a ni.

Sawrkar chhinchhiah danin, tun dinhmunah Mizoram-ah Dragon Fruit chingtu mi 563 bawr vel awm mekin nikum khan Dragon Fruit quintal 4000 chuang an tharchhuak a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »