Serchhip DC leh Addl. DC te hmundang ah sawn an ni
Mizoram sawrkar chuan Mizoram-a Secretary te hna chanpual siksawiin hemi ang hian Serchhip District Bawrhsap David Lalthantluanga chu Special Secretary-a Agriculture Department chang tura sawn a ni a, Ser-chhip District Bawrhsap tur hian Home Department leh RD-a Joint Secrerary nilai Paul L. Khuma chu dah a ni thung.
Mizoram sawrkar in MCS Officer te hna chanpual a siam danglam ah Serchhip Addl. DC Jmaes Lalnithanga chu Champhai District ah DRDO Project Director hna chelh tura sawn a ni bawk a, Serchhip Addl. DC turin DP &AR (ICSW/TRG) nilai Lalrinzuala chu dah a ni a. North vanlaiphai-a SDO (Civil) leh BDO East Lungdar hna chelh mektu Daniel Sailo chu SDO (Civil) hna Chawngte-a chelh tura sawn a ni a, BDO Chawngte hna a chelh bawk anga, a hna chelh mek te hi Dr. Peter Malsawmtluanga chuan a chelh zui dawn a ni.
Mizoram-a District thenkhat-a Deputy Commissioner dah thar zingah Champhai DC ni turin VL. Remliana dah a ni a, R. Lalthazuala chu Lunglei DC tura dah niin Rita Lalnunmawii Pachuau chu Hnahthial DC tura dah a ni a, Jacob Lalawmpuia chu Mamit DC tura dah niin K. Vanlalthiana chu Khawzawl DC tura dah a ni a, Robert C. Lalhmangaiha Kolasib DC tura dah a ni bawk.
Comments
Post a Comment