Republic Day atana inbuatsaiha thlirho a ni
Serchhip-a Republic Day 2024 hman dan tur hi December 19, 2023 khan duan a lo ni tawh a. Department hotute leh pawl hrang hrang aiawhte mawhphurhna semzai a lo nih tawh angin nimin-a thutkhawm ah hian hmalakna an kalpui dan leh tih tur bituk an hlenchhuah tawh chin te ngaihthlak a ni a. Mawhphurhna nei ten tha taka an tihtur an hlenchhuah mek zel avangin Bawrhsap David Lalthantluanga chuan lawmthu a sawi a ni.
Republic Day lawmna hi tun thla ni 26 zing dar 10:00 khian Serchhip Sports Complex-ah neih tur niin Serchhip DC chu Khuallian a ni dawn a. Parade Contingent zingah School 13, Scouts and Guides, NCC, Assam Rifles leh Ex-Servicemen te tel thei tura beisei an ni a. Kumin ah hian School Contingent leh Unarmed Contingent te a hrangin inelna buatsaih a ni ang. Parade Contingent te hian January 22 atanga January 24, 2024, ni thum chhung Rehearsal an nei dawn a ni.
Republic Day denchhen hian Home hrang hrang bakah Hospital leh District Jail ah te thilpek hlan a ni dawn a. Hemi ni hian Sawrkar Building zawng zawngah Hnam Puanzar (National Flag) zar vek a ni dawn bawk a ni.
Comments
Post a Comment