Thisen pek leh a kaihhnawih a harsatna awm \hin sawiho.

Health Minister Pu Lal Thanzara hovin nimin khan Health Department officer pawimawhte leh MSACS officer te chuan thisen pek (blood donation) leh hemi kaihhnawiha Blood Bank ten tunlaia harsatna an tawh mek chungchang an sawiho.
Thisen pekna hmanrua-Blood bag, Test Kit leh mamawh dangte hi sorkar laipuia NACO (National AIDS Control Organization) a\angin a thlawna dawn \hin a ni a. Kumin a\angin NACO chuan heng hmanrua te lei nan hian State sorkarin 25% chu tum turin a rawn phut bakah, NACO a\anga \anpuina hrang hrang hmuh \hinte chu tihhniam vak a ni ta a. Heng mamawhna te phuhruk a, Blood Bank te harsatna sukiang tur hian tun dinhmun atan chuan Directorate of Health Services leh Directorate of Health and Medical Education-te chuan intumsema a \ul anga hmala dun turin rel a ni. Nimin a \hutkhawm ah hian Blood Bank lama thawktute indaihloh avanga tlawmngai pawl thisen pek tum pe theilo an awm \hin thu chu sawiho a ni bawk a. Pawl anga thisen petute hman hun hi School leh Office chawlh ni a nih tlangpui \hin avangin nikhatah pawl pakhat aia tam thisen pek tum a awm thei a. Hmun khat aia tamah thisen la turin Blood Bank-a tawktute an vahchhuah theih \hin loh avangin thisen petute lamah thisen pek hun ruat chungchanga inhrethiam tlang takin inremsiam a ngaih \hin thu an sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man