S. Kawnpui NGO Coordination Committee in VC inthlan boycott thlenga hmalak an tum.

Serchhip Kawnpui NGO Coordination Committee chuan an huamchhung Village Council hranga dah tura hma an lakna tih hlawhtlin a nih loh chuan nakum-a VC inthlan boycott thlenga hmalak an tum tih an sawi.
Serchhip Kawnpui NGO Coordination Committee hian Inrinni kalta, Sept. 28, 2014 khan Pu Lalrothanga In, Serchhip Bazar Veng-ah tualchhung thuthar thehdarhtute kawmin an area, VC hranga dah tura hma an lakna chungchang hi an sawipui a. He hunah hian NGO hruaitute chuan an huamchhung VC hranga dah tur hian kum 2007 khan vengchhung nu leh pa te kokhawmin VC Demand Committee indinin hma an lak thu leh kum 2009-ah kokhawm lehin YMA Committee chu Demand Committee-ah ringin hma an lak thu an sawi a. Hei bakah hian nikum (2013) kumtir ah tlawmngai pawl hrang hrang, YMA, MHIP leh MUP te nen hemi lama hma la tur hian NGO Coordination Committee din lehin, hei hian chak taka hma lai, Chief Minister, LAD Minister leh LAD Director te pawhin an hmuh thu an sawi a. Heng an mi hmuh te hian Serchhip Bazar leh a chhehvel enkawltu VC mumal lova awm mek huamtu tur VC hrang dah chu awm an tihpui thu leh an thilphut pawh hmu ngei tura an inngaih thu sawiin, amaherawh chu anmahni huamtu VC pathum ten ‘No-Objection Certificate’ hi an pek theih loh vek thu leh, tuna Serchhip khawpuia VC 6 awm mek, VC 10-a siambelh tumna awm mek ah khawpui lunlai tak chu neitu leh enkawltu VC mumal awmlo tur bawka dah leh nia an hriat thu an sawi.
    NGO Coordination Committee Chairman, Pu K. Laldaihvela kaihhruai he hunah hian NGO hruaitute chuan an Demand Area chu nasa taka \hendarh a nih thu sawiin, Serchhip-I VC hnuaiah chhungkua 31, voters 103 awmin Serchhip-III hnuaiah chhungkua 178, voters 602 bakah Serchhip-IV VC hnuaiah chhungkua 45, voters 186 a awm tih sawiin, Serchhip-I leh Serchhip-IV a NGO te nen thawhhona an neih ngailoh thu leh Committee peng hrang hrangah pawh tel an nih ngailoh thu sawiin, VC a\anga khawtlang mipui hriat tur pawh an dawn ngaihloh thu an sawi a. Tuna Serchhip khawpuia VC 6 awm mek VC 10-a siam tuma hmalakna ah khawtlang aia Party hmakhua ngai pawi-mawh mi tlemte an awm nia an hriat thu pawh sawiin, an thilphut hi tih hlawhtlin a nih loh chuan an Demand Area-a Electoral Roll-a vote nei zawng zawngte chu kum 2015 VC Election-a vote thlak lo tura Signature Campaign neih an tum thu leh hemi atan hian hma an lak mek thu an sawi bawk.

Popular News

Mizoram-ah Faina Hapta hman \an leh a ni

Retailer bukna diklo 3 man