MJA (SD) ten Govt. Serchhip College tlawhin an dinhmun leh mamawh hrang hrang an zirchiang.

Serchhip District MJA te chuan nimin Sept. 22, 2014 khan Govt. Serchhip College tlawhin an zirchiang a, he College-a thawk te chu an mamawh leh dinhmun hrang hrangte an sawipui a ni.
Govt. Serchhip College tlawhtu MJA member te hi he College Principal, Pu Lalhma-ngaiha Chawngthu chuan lo dawngsawngin University Grant Commission norms angin Department tinah Lecturer indaihlo mahse tun dinhmunah chuan Mizoram sorkar duhsakna dawngin Lecturer chungchangah harsatna lutuk nei lovin an College chu a la kal ve bek bek thei niin a sawi a, chutihlaiin Geography, Education leh Zoology Department ah te hi chuan zirlai an tam avangin Lecturer an indaihlo \hin hle tih a sawi a. Heng Subject ah te hian Lecturer pakhat \heuh tal pekbelh ni thei se a duh thu sawiin, Non-Teaching Staff erawh an indaihloh thu leh an Head Assistant chu UDC hna kawptirin, LDC 1 chauh awmin IV Grade pakhat pawh LDC hna an khawih tir tawp niin a sawi a, chung mi 3 te chuan Office inrelbawlna bakah College Admission, Exam Form a\anga zirlai Scholarship lak tur thlengin an thawh vek thu leh UDC pakhat tal chu sorkar in pe thei se an ziaawm ve deuh a rin thu a sawi a. Hemi hnu hian College hmunhma leh hmasawnna hna thawh mek te chu an tlawh nghal bawk a, he College mamawh hrang hrangte pawh an sawiho nghal bawk a ni.
    Govt. Serchhip College hi Aug. 25, 1973-a din a niin kum 1980 a\ang khan Graduation Certificate pechhuak theiin hlankai a ni a, tun dinhmunah hian a din tirh a\angin Graduate 865 zet a chherchhuak tawh a, heng zinga 762 chu BA an ni a, 47 chu B.Sc. niin 56 chu BCA an ni. B.Sc. zirna hi kum 2007 khan hawn a niin kum 2008 khan BCA zirna hi hawn a ni. He College hian Library changtlung tak neiin lehkhabu pawh Volume 11,008 zet a awm a, he Library a lehkhabu te hi Computerised vek niin CCTV nena thuam a ni bawk a, zirlai ten an hmang \angkai \hin hle. He College hian a dintirh a\angin Principal 9 nei tawhin tunah hian Lecture 49 awm an awm mek a, heng te hi Associate Professor 28, Asst. Professor 7 leh Part Time a thawk 14 an ni. Kumin ah hian zirlai 389 awmin Arts Stream ah zirlai 303 an awm a, Science Stream ah zirlai 73 awmin Bachelor of Computer Science (B.Sc.) ah zirlai 14 an awm bawk.
    Tunhnaiah Govt. Serchhip College hian kawng hrang hrangin hma a sawn nasa hle a, nikum Academic Session aiin kumin Academic Session ah zirlai za chuang zetin an pung a, University Grant Commission hnuaia National Assesment and Accreditation Council (NAAC) in College \ha tehna an neiah Grade B an rawn pe bawk a. Tun dinhmunah Rs. 4,12,000/- sengin College Library Extend a ni a, Rs.4,12,000/- bawk sengin Library Building thawm\hat niin, Rs.10,50,000/- sengin Laboratory Building sak thar a ni a, Rs.59,72,700/- zet sengin Hmeichhe Hostel sak mek a niin Rs.87,00,000/- sengin Mipa Hostel tur sak mek a ni bawk a. Rs.80,86,000/- sengin Multipurpose Hall \ha tak sak mek a nih bakah, Rs.2,50,000/- sengin Basketball Court an siam mek bawk.

Popular News

Mizoram-ah Faina Hapta hman \an leh a ni

Retailer bukna diklo 3 man

MZU-a VC tur ruat thar a ni