Kum 6 chhungin COTPA Dan bawhchhia mi 4790 man tawh.

Kum 2008 a\anga kumin July 2014, kum 6 leh thla 7 inkar chhung khan vaihlo khuahkhirhna dan (COTPA) Section- 4, 5, 6 (a), 6(b) & 7 hnuaiah mi 4790 hremna pek an ni tawh a, heng mite sum chawi tlingkhawm zawng zawng chu Rs. 192,557/- a ni.
Mizoram State Tobacco Control Society in a chhinchhiah danin, 2008 a\anga July 2014 thlenga vaihlo khuahkhirhna dan hrang hrang bawhchhia hremna pek zingah hian ah Sections-4 hnuaia hremna pek an tam ber a, he Section hnuaiah hian puipunna hmun leh vantlang hmuna meizuk khap niin hemi hun chhung hian Section 4 hnuaiah mi 4526 hremna pek niin, heng mite sum chawi zat tlingkhawm chu Rs. 1,86,527/- a tling a, Section-5 hnuaia hremna pek an awmlo a, Section 6 (a) hnuaiah mi 6 hremna pek niin, heng mite sum chawi tlingkhawm chu Rs. 200/- a ni. Section 6(b) hnuaiah mi 39 hremna pek niin, an sum chawi tlingkhawm chu Rs. 3060/- a ni a, Section 7 hnuaiah mi 219 hremna pek ni bawkin, an sum chawi tlingkhawm chu Rs. 2770/- a ni. Kumin 2014 chhung bikah January a\anga July inkar chhung khan squad drive neihna ah Aizawl District chhungah COTPA dan bawhchhia mi 106 man an ni a, Lunglei district ah mi 22 man ni bawkin, Champhai district ah mi 14, Saiha district ah mi 33, Serchhip district-ah mi 50, Kolasib district-ah mi 2, Lawngtlai district-ah mi 109, Mamit district-ah mi 10 man an awm a, heng mite sum chawi zawng zawng hi Rs. 31,901/- a tling a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai