Chanchinthar thenkhat :

In report tur :

X Kumin Fur ruahtui tla avanga Leilet tui kawng \halo leh Leilet siam theilo zawng zawngte chu tun thla ni 12 hmain Serchhip DC Office-a in report tura hriattir niin hrechiang duh tan VC te hnenah zawhfiah theih a ni ang.
#####

ZUALKO
X Nimin Sept. 3, 2014 chawhma dar 10 25 vel khan Pi Runthangi (62), Serchhip Dinthar Farm Mual ami chu a boral a, a ruang hi lumen a nih hnuah Vawiin hian vuiliam a ni ang.
####


Zirtirtu tel \heuh tur
X District Education Officer, Ser-chhip District hnen a\anga thu kan dawn angin District Level Committee for Celebration of Teachers’ Day, 2014-in a rel angin Sept. 5, 2014 zing dar 7:30 hian Serchhip Bazar-ah Zirtirtute Ni lawmna prog-ramme buatsaih a ni dawn a. He programme-ah hian Serchhip Town area chhunga Zirtirtu zawng zawngte a tam thei ang ber tel tura sawm an ni.
####


Combined Exam nei mek
S Mizoram Public Service Commission (MPSC) in MCS leh MPS post 10 ve ve ruak hnawhkhat tura Combined Exam a buatsaih a Preliminary Exam paltlangte tan Main Exam chu Aizawl-ah neih mek a ni a. Tun \uma Combined Exam ah hian a tirah mi 3,372-in form thehlutin mi 2,422 te chuan June ni 11 khan Preliminary Exam an lo nei tawh a. An zinga mi 200 te chu Main Exam tura tlingin mi 198 ten Admit Card lachhuakin mi 190 ten Exam hi an nei a, naktuk khian zawhfel a ni ang.
####

School \an hun sawn duhlo
S Higher Secondary School (HSS) zirlaite inhlawmkhawmna Higher Secondary School Joint Students’ Union (HSSJSU) chuan Mizoram sorkar in school kai hun sawnhma a tum chu an duhlo tih nimin khan Aizawl-ah thu-thar lakhawmtute kawmin an sawi a. ‘Mizoram sorkar-in zirlai tam zawk harsatna tawh tur min ngaihtuahpui miah lo a School timing kan hman mek thlak tuma rilru a rawn pu ta mai hi hriat-thiam har kan ti tak zet a ni,’ an ti.
####


Recruitment Rules siam duh
S All Mizoram Contract Nurses Association (AMCONA) chuan Nurse hnalak apianga buaina awm tawh lo tur leh Recruitment Rules felfai tak siam sak turin sorkar chu an ngen tih thuchhuah siamin an sawi a. Tunhnaia Nurse hna lak dana lungawilohna an lantir ah sorkar in a ngenna ngai pawi-mawhin an inhnukdawk tih pawh tar-langin, Nurse te chu General Nursing & Midwifery(GNM), kum 3 leh a chanve leh B.Sc Nursing kum 4 training chhuak a Graduate vek an nih thu an tarlang bawk.
####


Hnam lam-ah intihsiak
S MZP Gen. Hqrs. buatsaihin nimin Sept. 3, 2014 khan Aizawl-a Vanapa Hall-ah MZP Inter-College Cultural Dance Competition neih a ni a, he Competition-ah hian Aizawl khaw-pui chhung College 8 leh Aizawl pawn a\angin College 3 (Govt. Saitual College, Govt. Mamit College leh Govt. Lunglei College) te telin Chawnglai-zawn, Chai leh Cheraw-ah te intihsiakna an nei a. Pachhunga University College chu pakhatna niin lawmman ah Rs. 15000/- Trophy leh Thuziak dawngin T.Romana College chu 2-na leh Govt. Aizawl College chu 3-na an ni.
####


Headmaster sawn sak ta
S Govt. Middle School Hnahthial a zirtirtu ten an School Headmaster sawn ngiata School an kai duhloh hnuah an School Headmaster hi Tlabung ah sawn niin Vawiin a\ang hian dan pang-ngaia School an kai leh beisei a ni.

Popular News

Retailer bukna diklo 3 man

MZU-a VC tur ruat thar a ni

Hmeichhia te hmasawnna tura hmalakna chungchang thlirho.