Baktawng-a Sahbon siamtu ten mipui mamawh phuhru zolo.

Baktawng Tlangnuam-a Aloe Vera hmanga sahbon siamtute chuan nitin sahbon 700 vel siam mahse mipui mamawh an phuhru zo lo tih an sawi.
Baktawng Tlangnuam-a Aloe Vera Society hruaitute sawi danin an sahbon siam chu mipuiin an duh em avangin mipui mamawh an pe daihlo tih an sawi a, mipui lamin an phone tlut lut reng mai niin an sawi bawk. Baktawng Tlangnuam ah hian chhungkaw 56 in Aloevera hi an ching a, tunah hian Zoram Agrotech Company, Lengte nen inremna siamin September, 2014 a\ang hian Aloe Vera hi an hnenah an hralh \an dawn a, an inremna ang chuan Aleovera tui litre 1 Rs. 150 leh a hnah kg. khat Rs.120 in Company hian an lei sak dawn a ni. Aloe Vera Society a Secretary, Zamrellova chuan an hmunhma in a zirloh avangin an duh anga tam an siamchhuak thei lo niin a sawi a. Skin Gel te pawh an siamchhuak thei tih sawiin, sahbon chu demand a san ber avangin an siam hrih mai niin a sawi bawk. Aloe Vera Society hian kum khat pawh la tling lovin an thil siamchhuah a\ang hian cheng nuai 2 chuang an lalut tawh a ni. Tunhnai khan Aleo Vera sahbon siamna hmun hi NLUP Implementing Board Chairman, Pu JH Ro\huama chuan tlawhin, NLUP sum hmanga an thilsiamna hmun chu tihchangtlun pui an tum tih a hrilh bawk a ni.

Popular News