AMC leh NGO duhdan a inang tih sawi

Aizawl Municipal Council (AMC) Chairman, Pu Zarzoliana chuan AMC Licensing Regulation 2012 chungchangah tlawmngai pawl te duhdan chu AMC duhdan tih sawiin, ‘Kalpui kan duhdan erawh a inanglo mai a ni,’ a ti.

He thu hi nimin a Aizawl-a thuthar lakhawmtute a kawmna ah Pu Zarzoliana chuan sawiin tlawmngai pawl te chuan Hnam himna an duh tih a sawi a, hnamdang sumdawng ten Mizoram-a sumdawnna an bun theihloh an duh thu sawiin, hei hi AMC duhdan pawh a ni tih a sawi a. Mizo nilo License dil turte chuan District Council hunlaia Trade License pekchhuah copy an thil tel a ngai a, hei hian hnamdang Mizoram-a sumdawn tumte tan kawng a khar nghal a, a him tawk a ni, a ti. Hei bakah hian AMC chu Dan siamtu ni lovin sorkar Dan siam sa kengkawhtu leh sorkar in ti tura a tih chu ti tu mai a ni tih sawiin, Dan siam \ha theitu pawh AMC ni lovin sorkar a ni tih a sawi a, tlawmngai pawl te chu thil ti theitu nilo zawk AMC Pisa kai tur an dan chu titawp turin a ngen bawk.