Serchhip News thenkhat :

Dt. 22nd Feb. 2014
HSLC Exam neih \an a ni

@@ Nimin khan Mizoram Board of School Education (MBSE) hnuaia pawl 10, High School Leaving Certificate (HSLC) Exam chu neih \an niin Serchhip District-a Exam Centre 9-ah pawh exam hi neih a ni a, Serchhip-a Centre 2 awm ah Centre No. 01, Govt. High School Serchhip-ah Form fill-up mi 237-ah mi 7 exam lovin mi 230 an exam a, heng mite hi School 5-a zirlaite an ni a. Centre No. 07 PCR High School-ah Form fill-up mi 202-ah mi 9 exam lovin mi 193 an exam a, heng mite hi School 8-a zirlaite an ni. HSLC Exam hi March 14 khian Practical nen zawhfel a ni ang.

Malaria zirhona nei
@@ Serchhip District chhunga ASHA te tan nimin khan Serchhip CMO Conference Hall-ah Malaria chungchang zirhona neih a ni a, he zirhona hi Dr. Laldawngliana, CMO chuan kaihruaiin Treatment of Malaria(ACT-AL) tih leh Diagnosis of Malaria (RDT Bivalent tih thupui te zirho a nih bakah a taka hna an thawh dan turte pawh zirtir an ni bawk. Serchhip District chhungah hian ASHA mi 65 awm mekin nimin a training ah hian mi 60 vel an tel a, he hun hi Dr. Lalrem-mawii, Deputy Director (Malaria) pawhin a rawn hmanpui a ni.

Lancy-i hmuak dawn
@@ Zonet Cable TV in Mizo Idol thlanna a buatsaiha pathumna, Lancy Remlalhruaii chu Vawiin hian ropui taka lo hmuah tum a ni a, chawhnu dar 2:00-ah Chhiahtlang dai-ah lir-thei nen hmuakin Bazar-ah tlai dar 3:00-ah hun hman zui a ni ang.

Mizofed building hawn
@@ Nimin khan Co-Operation Minister Pu Lalrinmawia Ralte chuan Rs. 16,09,364/- senga sak Serchhip-a MIZOFED LPG Showroom thar, New Serchhip YMA Hall bul ami chu a hawng a. MIZOFED Serchhip Branch hi April ni 10, 1991 ah din \an niin tun dinhmunah Consumer 8202 an awm mek a, kum 2012-13 ah khan Rs. 2,41,48,000/- hmuchhuakin Rs. 16,11,000/- an hlep a ni.

Popular News

MZI ten thisen an pe

Mamit-ah ‘Free Coaching Class’ hawng

MUP ten kawng kam thianfai

Roll ennawn a ni leh dawn