Sorkar chet hun mipui ten nghak mek tih sawi.

ZNP President Pu Lalduhoma, MLA chuan “Damdawi \halo hmanga sumdawnna na-ah lal chhungkua an tel a, a zung chawpa phawia phoro ngam inti sorkar chet hun hi mipui ten kan nghak mek a ni,” a ti.

He thu hi ZNP huaihawt Save Mizoram Long March a kal mi 37 te Aizawl-a hmuahna nimin-a Aizawl Tennis Court bulah inkhawm tawi buatsaih ah sawiin Pu Lalduhoma chuan “Damdawi \ha lo hmanga sum dawn kawngah lalchhungkua ami a in hnamhnawiha, mipuiten kan dem em em a ni. ZNP party-in he thil hi do ve lo leh dem ve lo ang maia lang thei turin media lamah a lo lang a, hei hi a dik lova min hre \helh a ni. ZNP chuan natakin he thil hi a dem a, mahse ati thei tu a nih loh avangin a ti theitu sorkar a ngaichang mai zawk a ni,” a ti. Hei bakah hian Pu Lalduhoma chuan “MLA in thlanpui kan hmachhawn turah mipui ten duhthlanna dik kan hman a hun tawh a, kum 40 chuang min kaihruai tawhtu ten tun dinhmunah hian kan ram an hung chhuak a, kan Pathian thurinin ‘duhthlanna dik inthlan chuan inram a rethei lovanga, nangmahni pawh in hrisel ang’ a tih laiin vawiin thleng hian retheihna in min man bet a, state dangte phak rual lohin BPL Family kan pung chak a ni. Kan taksa ngei pawh a hrisel lova khawvela cancer tamna ber ramah kan in chhuah mek a ni. Heng zawng zawng ti tawp tur hian Zoram mipuite hian duh thlanna dik kan hman a hun tawh a ni” a ti bawk.