Pi Sonia Gandhi’n lehlangin Mizoram a rawn tlawh.

UPA Chaiperson Pi Sonia Gandhi chuan nimin (20th Sept. 2013) khan lehlanga Mizoram rawn tlawhin Chhingchhip-a Sainik School sakna tur ribbon chep chatin lungphum a phum a, 4th Phase NLUP a hawn bakah Food Security Scheme Mizoram tan a tlangzarh bawk.

Pi Sonia Gandhi hian a puala inkhawm Mualpui-a Rajiv Gandhi Stadium-a neih ah thu sawiin Mizoram chuan a thinlungah hmun thuk tak a chan thu a sawi a, Mizote chu hnam taima leh thawkrim an nih thu leh India ramah hnam hrang hrang kan cheng tih ti kimtu an ni, a ti a, Sainik School Chhingchhip-a sak tura phut let neilova ram petute, Chhingchhip VCP, Pu Lalchungnunga Sailo leh chhungkaw 42-te chungah lawmthu sawiin, he sikul hi \halaiten thiamna tak tak an puakchhuahna atan an hman ngei a beisei thu a sawi bawk.
    Ram hmasawnna a kal chhoh mek rualin, eitur khamkhawp hmuhloh avanga harsatna leh thihna a thlenloh nan, Food Security Bill chu pawm anih thu a sawi a, a mamawhtuten \angkai taka an hmang tur chu lawmawm a tih thu a sawi bawk. NLUP pawhin hmasawnna thar a thlen chu chhungkaw tam takin an hmang \angkaia, sum leh pai dinhmun siam\hat kawngah Mizoram sorkar chu a hlawhtling hle a ni, a ti bawk. Eirukna leh nundan diklo veng tura Ethics Committee din a ni chu fakawm a tih thu sawiin, RTI nen \angkawpin, state rorelna dik leh langtlang taka kalpui theih a nih tur thu a sawi a, Power lama intodelhna turin, 210MW pechhuak thei tur Tuivai Hydel Project pawh sorkar laipuiin a pawmpui tawh thu sawiin,hei bakah lui pasarihah hmalak tura ruahhman a ni a, ram leilung leh nungchate tichhe lo turin, hmasawnna hna kalpui a nih tur thu a sawi a, UPA sorkarin \henawm ramte nena inlaichinna \ha nei tura a hmalak tawhna leh hmachhawpte chu Mizoram tan ei leh bar leh sumdawnna kawngah hmasawnna duhawm tak thlentu a nih tur thu a sawi bawk.
    He inkhawm hi Pu Lal Thanhawla, Chief Minister chuan kaihruaiin, sorkarna an chan a\angin tihtur tul leh hmachhawp tam tak an neih thu sawiin, chak taka an hmalaknate leh langtlang sorkar nei tura an thawhnaten rah duhawm a chhuah mek thu a sawi a. Mipuiten eizawnna ngelnghet leh innghahna tlak an neih theih nan, New Land Use Programme, Hriselna leh Zirna te chu ngaih pawimawh hmasak an nih thu sawiin, Sorkar laipui thlawpna \ha tak avangin, NLUP pawh hlawhtling taka kalpui mek niin, chhungkaw nuai 1.35 tuamchhuah a nih tur thu a sawi bawk . 60 Megawatt pechhuak thei, Tuirial Hydro Electric Project chu kum 2014-a hawn theih tura ruahman a nih thu leh, sorkar laipui atangin 210 Megawatt Tuivai Hydel Project sak phalna hmuh anih thu sawiin, hengte hian power-ah nasa takin intodelhna a thlen tur thu a sawi bawk. Pi Sonia Gandhi hi Pi Ambika Soni, Punjab MP leh Pu Luizinho Faleiro, General Secretary, AICC ten an rawn tawiawm a ni.

Popular News

MZI ten thisen an pe

Mamit-ah ‘Free Coaching Class’ hawng

Roll ennawn a ni leh dawn

MUP ten kawng kam thianfai