Bharat Nirman Public Information Campaign Serchhip-ah neih chhunzawm zel a ni.

Sorkar laipuiin thingtlang mipuite hmasawnna atana ruahmanna a siam chi hrang hrang inhrilhhriatna, Bharat Nirman Public Information Campaign Serchhip District-a neih mek chu nimin khan chhunzawm leh a ni.

    Bharat Nirman Public Information Campaign Serchhip District chhunga neih mek a ni hnihna, nimin a New Serchhip YMA Hall-a neih ah hian Serchhip Joint VC Chairman, Pu Lalramliana Sailo chu khuallian niin ramchhunga mipui ten hmasawnna dik leh tluantling kan neih theihna turin Bharat Nirman chu buatsaih a nih thu sawiin, sorkar laipuiin heng ruahmanna a siam te State sorkar hmanga rawn chhawphnaia, sorkar hnathawk ten theihtawp chhuaha an lo buaipui \hin chu lawmawm a tih thu a sawi a, heng sorkar hmalakna te hmuh theiha pho chhuah a ni chu lawmawm a tih thu sawiin, mipuite pawhin heng te hi kan hriatchian theih nan dilchhut taka kan zawhfiah \hin a pawimawh thu a sawi a, ram hmasawnna turin sum leh paia \hanna chauh chu a tawkloh avangin sorkar chuan kawng hrang hrangah hma a lak thu tarlangin, thingtlang-a miharsa te In sak te, inkalpawhna kawng laih te, Faina leh thianghlimna bakah hriselna kawngah te, Eng neilo ten an neih vek theihna tur atan te leh inbiakpawhna \ha kan neih theih nan te hma a lak bakah mipuiten sorkar a\anga sum leh pai an dawn tur chheprelh a awmlohna turin Direct Banefits Transfer Scheme (DBTS) ruahman a nih thu pawh sawiin, langtlang sorkar kan neih theihna tura mitin te hman theih tur Right to Information Act hman theiha a awm ta te chu chhuanawm a tih thu a sawi bawk.
    District Information & Public Relations Officer, Pu Andrew H. Lalremruata kaihhruai he hunah hian PIC Core Committee Chairman Pu Mangjangam Touthang, IIS chuan PIC buatsaih anih chhan leh buatsaih dan kalphung te sawifiahna hun a hmang a, kum 2006 a\angin Public Information Campaign hi neih a nih thu leh tun \um hi Mizoram-ah \um 25 an buatsaihna a nih thu leh Serchhip District bikah tun \um hi a \um thumna a nih thu a sawi. He hun hman a nih lai hian Khawlailung-ah NRHM kaltlangin Health Camp neiin damlo 350 vel an inentir a, zirlaite tan Rally buatsaih a ni bawk. Nimin chawhnu lama Technical Session neih tura ruahman chu rokhawlhna a awm avangin \hulh a ni thung a ni.

Popular News

Mizoram-ah Faina Hapta hman \an leh a ni

Retailer bukna diklo 3 man