Lenkawl

Vawiin (Jan. 5, 2024) chhun dar 1:30 vel khan Lalhriatpuia (36), Serchhip Bukpui chu Electric current man vangin a boral. 

Serchhip Field Veng Village Council a seat ruak pakhat (General) hnawhkhahna atana By-election chu January 30, 2024 khian neih a ni dawn.

Kumin May 16-a Chhiahtlang leh Bukpui inkara Lalsangzuala ruang chhar chungchang ah tualthattu a.puh Laldinthara chu damchhung Lung In tang tura hrem a ni.

Kumin January atanga November thla tawp thleng khan Serchhip District-ah rannung seh (Scrub Typhus) kai mi 1105 zet hmuh an ni a, hei bakah hian Typhoid kai mi 1170 hmuh ni bawkin kumin chhung hian Serchhip District-ah COVID-19 hri kai mi 15 hmuh an ni bawk.

Kum 2020 kum-a East Lungdar VLTF ten an man Vietnam mi pakhat chu hun rei tak Ser-chhip District Jail-a enkawl a nih hnuah nimin khan Centre for Environment and Social Justice (CESJ) te chuan lachhuakin Thutak Nunpuitu Team (TNT) Camp, Zuangtui-ah dah a ni ang.

Mizoram Assembly Inthlanpui neih zawh taka Serchhip District chhunga Polling Station 88 zinga Hmeichhe Vote thlak thatna te MHIP Branch te hnenah nimin khan Serchhip District-a SVEEP Nodal Officer Lalnunmawii chuan lawmman a hlan.

Serchhip-a 'No Tolerance Drive/Checking' kalpui mekah nimin khan Serchhip Traffic Police te chuan Dan bawhchhia mi 6 man lehin heng mite pawisa chawi tlingkhawm chu Rs. 14,000/- a ni.