East Lungdar-ah nu pahnih chawimawina hlan an ni

Zonuna Kawlni /

Niminpiah khan East Lungdar-ah ‘Nu te ni’ denchhenin nu chhuanawm te chawimawina hun hmangin mi pahnih te hnenah chawimawina hi hlan an ni.
 ICDS East Lungdar Project leh East Lungdar RD Block te tangkawp buatsaih Nu chhuanawm te chawimawina hun hi E. Lungdar BDO Conference Hall-ah hman niin East Lungdar-a cheng Vailianchami leh C. Rodinthari te hnenah chawi-mawina hi hlan a ni a, Teresa Lalruatsangi, Circle Officer (ICDS) chuan chawimawina hi a hlan a ni. Vailianchami hi hmeithai niin nau a neih tuk la laa Matric Exam hmachhawn a pass thei a ni a, harsatna tam tak karah a fate zawng zawng Graduate thlenga chherchhuaktu a ni a. C. Rodinthari pawh hi tunhnaia fanu Super Specialist chherchhuaktu nu chhuanawm tak a ni bawk.

Nu chhuanawm te chawimawina hun hi East Lungdar BDO Marilyn Lalruatkimi chuan kaihruaiin ICDS Project-a Circle Officer Jeremy Lalhmingsanga chuan chhungkua leh khawtlang tana nu pawimawhzia leh an hlutzia a sawi a. Heng nu pahnih te chawimawina hunah hian MHIP hruaitute, Village Council aiawhte leh Anganwadi Worker thahnem tak an tel a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »