Dampa Bial-ah Vote nei pung

Dampa Bial-a Assembly by-election neih tur atana inbuatsaihna kal zelah Electoral Roll ennawn hna chu zofelin nimin khan Final Electoral Roll chu tarchhuah a ni a, Final Roll tlangzarh takah hian Polling Station 41 awmin Polling Station pakhat zelah Elector 507 awm ang an ni a. Voters tlemna ber chu 2/12-Zopui Polling Station niin Voters 30 an awm a, Voters tamna ber chu 2/17-Silsury-I Polling Station niin, Voters 1103 an awm a, Bial chhungah hian Service Voters 115 awm bawkin Draft Roll aiin Final Roll-ah hian Vote nei 385 in an pung a ni. Dampa Bial a by-election neih hun tur hi puan la ni lo mah se hun reilote ah puan mai a nih a rinawm nia thudawn a ni bawk.